ចាប់ពីថ្ងៃទី១ខែមិថុនាដល់ថ្ងៃទី៣ខែសីហា វិទ្យាស្ថានចក្ខុវិស័យអាស៊ីតាមរយៈមជ្ឈមណ្ឌលមេគង្គសិក្សាយុទ្ធសាស្ត្រ បានរៀបចំវគ្គបណ្តុះបណ្តាលស្តីពីការវិភាគភូមិសាស្ត្រនយោបាយដល់អ្នកសារព័ត៌មានក្នុងស្រុកខ្មែរជាលើកទី១ដើម្បីបន្ថែមនិងពង្រីកចំណេះដឹងឱ្យស្វែងយល់កាន់តែស៊ីជម្រៅ និងមានសមត្ថភាពវិភាគលើវិស័យដ៏សំខាន់នេះ។ ជាវគ្គបណ្តុះបណ្តាលដែលមិនផ្តោតលើប្រាក់កម្រៃប៉ុន្តែប្រមូលផ្តុំដោយអ្នកជំនាញខ្មែរសុទ្ធសាទដែលមានឯកទេសលើភូមិសាស្ត្រនយោបាយនិងកិច្ចការបរទេស ហើយមានសុឆន្ទៈចង់ឱ្យសង្គមកម្ពុជាឈ្វេងយល់ពីបញ្ហាភូមិសាស្ត្រនយោបាយដែលកំពុងមានភាពស្មុគស្មាញខ្លាំងហើយមានភាពប៉ះពាល់ដល់កម្ពុជាដែលមិនអាចមើលរំលងបាន។បណ្ឌិតឡេង ធារិទ្ធ ប្រធានមជ្ឈមណ្ឌលមេគង្គសិក្សាយុទ្ធសាស្ត្រដែលជាអ្នករៀបចំវគ្គបណ្តុះបណ្តាលនេះ ចង់ឱ្យអ្នកសារព័ត៌មានពង្រីកចំណេះដឹង និងមានសមត្ថភាពកាន់តែខ្ពស់លើការផ្តល់ចំណេះដឹង ផ្តល់ការវិភាគ និងក្លាយជាដៃគូរបស់រដ្ឋនិងប្រជាជនលើបញ្ហាការបរទេសដែលកំពុងតែស្រួចស្រាវ ខណៈដែលកម្ពុជា នឹងក្លាយជាប្រធានអាស៊ាននៅឆ្នាំក្រោយ និងតួនាទីសំខាន់ឡើងៗរបស់កម្ពុជាក្នុងតំបន់និងអន្តរជាតិ។ដឹកនាំផលិតនិងផលិត៖ ស៊ុន មេសាRead More