Telephone
(+855) 99841445/ 99 929 323
Email
admin@asianvision.org
Address
Jaya Smart Building 2nd Floor, Street 566, Boeung Kok 2, Toul Kork, Phnom Penh.

តើ​ពលករ​ចំណាក​ស្រុក​ អាច​ចូលរួម​ចំណែក​ដល់​អនាគត​សេដ្ឋកិច្ច​របស់​កម្ពុជា​យ៉ាង​ដូច​ម្តេច?

ជាមួយ​នឹង​ពលករ​ចំណាក​ស្រុក​ជាង ១ លាន​នាក់ ប្រសិន​បើ​យើង​គណនា​ដោយ​សាមញ្ញ​ថា ពលករ​ម្នាក់​អាច​ផ្ញើ​លុយ​មក​ផ្ទះ​ម្នាក់ ១០០ ដុល្លារ ក្នុង ១ ខែ នោះ​សេដ្ឋកិច្ច​របស់​ប្រទេស​កម្ពុជា នឹង​ទទួល​បាន​ប្រាក់​បញ្ញើ​យ៉ាង​ហោច​ណាស់ ១,២ ពាន់​លាន​ដុល្លារ ក្នុង ១ ឆ្នាំ។ ការ​ផ្ញើ​ប្រាក់ គឺ​ជា​វិធី​វាស់ស្ទង់​មួយ​នៃ​ការ​ចូលរួម​ចំណែក​ផ្នែក​សេដ្ឋកិច្ច​របស់​ពលករ​ចំណាក​ស្រុក​ខ្មែរ។ ការងារ​ចំណាក​ស្រុក គឺ​មាន​សារៈសំខាន់​ក្នុង​ការ​បំពេញ​បន្ថែម​នូវ​ឱកាស​ការងារ​ក្នុង​ស្រុក។

ការ​ផ្ញើ​ប្រាក់​អាច​ជា​ប្រភព​ធនធាន​នៃ​ការ​ចំណាយ​លើ​ការ​ប្រើប្រាស់​របស់​អ្នក​ពឹង​អាស្រ័យ និង​នៅ​ក្រោម​បន្ទុក​របស់​ពលករ​ចំណាក​ស្រុក។ ប្រសិន​បើ​គ្រប់គ្រង​បាន​ល្អ ប្រាក់​នោះ​អាច​ក្លាយ​ជា​ការ​សន្សំ ឬ​ក៏​អាច​ក្លាយ​ជាដើម​ទុន​បន្តិចបន្តួច ដើម្បី​ចាប់​ផ្តើម​អាជីវកម្ម​នៅ​ពេល​ដែល​ពលករ​ទាំង​នោះ​ត្រឡប់​មក​ផ្ទះ​វិញ។

យ៉ាងណា​ក្តី ការងារ​ចំណាក​ស្រុក​មិន​អាច​មាន​និរន្តរភាព​ផ្នែក​សេដ្ឋកិច្ច​រយៈពេល​វែង​បាន​ឡើយ​សម្រាប់​សេដ្ឋកិច្ច​ក្នុង​ស្រុក ទោះបី​ជា​មាន​ប្រភព​ការងារ​ក្រៅ​ប្រទេស​ច្រើន​ក្តី ឬ​ក៏​មាន​កម្រិត​ចំណូល​ខ្ពស់​យ៉ាង​ណា​ក្តី​។ នេះ​ក៏​ព្រោះ​ថា​ ពលករ​ចំណាក​ស្រុក​នឹង​ត្រូវ​ត្រឡប់​មក​ផ្ទះ​វិញ ព្រោះ​ពួក​គេ​មិន​អាច​ស្នាក់នៅ និង​ធ្វើ​ការ​ជា​អចិន្រ្តៃយ៍​នៅ​ប្រទេស​ម្ចាស់​ផ្ទះ​បាន​ទេ។

ការ​ពិត​ដែល​មិន​អាច​ប្រកែក​បាន​គឺ​ថា ​ការងារ​ចំណាក​ស្រុក​មិន​អាច​ធ្វើ​ឱ្យ​ប្រជាជន​ក្លាយ​ជា​អ្នក​មាន​បាន​ឡើយ ហើយ​ក៏​មិន​អាច​ធ្វើ​ឱ្យ​ប្រទេស​បញ្ជូន​ពលករ ក្លាយ​ជា​ប្រទេស​អភិវឌ្ឍន៍​បាន​ដែរ ព្រោះ​ថា​ការងារ​ចំណាក​ស្រុក​មិន​បាន​ជួយ​ពង្រឹង​មូលដ្ឋាន​សេដ្ឋកិច្ច និង​ឧស្សាហកម្ម​ក្នុង​ស្រុក​នោះ​ឡើយ។
ប្រទេស​កម្ពុជា មិន​អាច​ក្លាយ​ជា​ប្រទេស​នាំចេញ​ពលករ​ជា​រៀង​រហូត​បាន​ទេ។ នៅ​ពេល​សេដ្ឋកិច្ច​របស់​ប្រទេស​កម្ពុជា អភិវឌ្ឍ​ជឿន​លឿន​ទៅ​មុខ ប្រទេស​កម្ពុជា ក៏​ត្រូវ​ការ​កម្លាំង​ពលកម្ម​ដើម្បី​ទ្រទ្រង់​មូលដ្ឋាន​សេដ្ឋកិច្ច និង​ឧស្សាហកម្ម​របស់​ខ្លួន​ដែរ។

ដូច្នេះ​សំណួរ​ដែល​យើង​ត្រូវ​សួរ គឺ​ថា​នៅ​ពេល​ដែល​ពលករ​ជាច្រើន​បាន​វិល​ត្រឡប់​មក​ផ្ទះ​វិញ តើ​យើង​ធ្វើ​សមាហរណកម្ម​ពួក​គេ​នៅ​ក្នុង​សេដ្ឋកិច្ច​កម្ពុជា​យ៉ាង​ដូច​ម្តេច? ឬ​និយាយ​ម៉្យាង​ទៀត​ថា តើ​ពលករ​ចំណាក​ស្រុក​អាច​ចូល​រួម​ចំណែក​យ៉ាង​ដូចម្តេច​ចំពោះ​សេដ្ឋកិច្ច​កម្ពុជា​នាពេល​អនាគត?

Full article available at: https://www.postkhmer.com/វិភាគសង្គម/តើពលករចំណាកស្រុក-អាចចូលរួមចំណែកដល់អនាគតសេដ្ឋកិច្ចរបស់កម្ពុជាយ៉ាងដូចម្តេច

Leave a Reply