ភ្ញៀវប្រចាំថ្ងៃរបស់វិទ្យុRFIយើង រាត្រីនេះ គឺបណ្ឌិត ឈាង វណ្ណារិទ្ធ ដែលជាសាស្ត្រាចារ្យខ្មែរ បង្រៀនវិទ្យាសាស្ត្រនយោបាយ នៅប្រទេសសិង្ហបុរី និងជាប្រធានវិទ្យាស្ថានចក្ខុវិស័យអាស៊ី។ លោកបណ្ឌិតរូបនេះ បានវាយតម្លៃ ចំពោះជំនួបរវាងលោក ហ៊ុន សែន និងប្រមុខដឹកនាំភូមា ថា«ជាជំហានវិជ្ជមាន និងសំខាន់ចាំបាច់»។ «ចាំបាច់ ដើម្បីឈានទៅដោះស្រាយបញ្ហា និងឈានទៅរកការចរចារកសន្តិភាពឲ្យភូមា គឺគ្រប់ភាគីត្រូវធ្វើការជាមួយថ្នាក់ដឹកនាំរបបសឹក ដែលគេជាអ្នកកាន់អំណាច និង កាន់កូនសោប្រទេស»។ ចំពោះបណ្ឌិត ឈាង វណ្ណារិទ្ធ, «ប្រសិនបើ ភូមារកបានសន្តិភាពនៅពេលខាងមុខមែននោះ គឺជាប្រយោជន៍សម្រាប់ទាំងអស់គ្នា។ ដូច្នេះ ជួយភូមា ក៏ដូចជួយកម្ពុជាខ្លួនឯងនិងជួយអាស៊ានដែរ»៕
Full article: https://www.rfi.fr/km/កម្មវិធីផ្សេងទៀត/ភ្ញៀវប្រចាំថ្ងៃ/20220109-កម្ពុជា-ភូមា-កម្ពុជា-ទំនាក់ទំនងការទូត-អាស៊ាន
